DAVAO CITY – Nahimong maayo ug luwas ang pag-abot sa mga atleta ug delegasyon sa Davao region o ang Davao Eagles sa kauluhan partikular na sa Vigan City asa ipahigayon ang Palarong Pambansa 2018.
Kini ang gikompirma ni Jenelito “Dongdong” Atillo, ang tigpamaba sa Department of Education (DepEd) Region XI, diin miabot sila ug nakasulod sa ilang mga billeting quarters sa nahisgutang lugar alas tres sa kaadlawon.
Nahimong maayo ang ilang biyahe gawas sa grabeng ka-traffic nga ilang nasinatian sa may area sa EDSA samtang nagpadulong sila sa Vigan diin midagan ang ilang biyahe sa siyam hangtud sa napulo ka oras.
Una nang gisuta sa mga atleta pag-abot sa venue mao ang pag familiarize sa lugar, ang mga angay hinumduman atol sa kompetisyon, apil na usab ang kahimtang sa panahon labi na nga grabi usab ang ilang nasinati-ang kainit sa syudad sa Vigan. Hinuon, nituo si sir Dodong Atillo nga preparado ang Davao Eagle alang niini.
