DAVAO CITY – Giila karon ang lalawigan Davao del Sur kalakip na ang Davao City sa mga gikonsidera nga high-risk area sa coronavirus disease (Covid-19) human ang pagsaka sa ihap niini sa milabay nga semana.
Subay sa ulahing OCTA Research Covid-19 Monitoring Report, ang Davao del Sur ug Davao City ang mga areas gawas sa Luzon ang nagkagrabe ang kaso luyo sa pag-ubos usa sa ihap sa mga bag-ong kaso sa Covid sa Pilipinas.
Pipila sab sa mga areas nga taas ang kaso sa Covid-19 ang gilangkuban sa (Baguio City), Iloilo (kalakip na ang Iloilo City), Misamis Oriental (Cagayan de Oro), Negros Occidental (including Bacolod), Nueva Ecija, Quezon, Pangasinan (including Dagupan), South Cotabato (including General Santos), Surigao Del Sur, Western Samar ug Zamboanga Del Sur (lakip na Zamboanga City).
Base sa report, adunay “increase in daily attack rate per 1,000” kung itandi sa milabay nga duruha ka semana sa nahisgutan nga areas.
Gikanayon ang team gikan sa OCTA Research, usa ka independent ug interdisciplinary research group sa academics gikan sa University of the Philippines (UP) ug University of Santo Tomas ang naga monitor sa Covid-19 cases sa Philippines ug naga-obserba sab sa pagsaka sa hospital occupancy sa milabay nga Setyembre 7 hangtud Oktubre 5.
