DAVAO CITY – Mipahigayon na karon ug inventory ang lalawigan sa Davao de Oro kalabot sa mga namatay nga mga baboy sa Barangay Kingking sakop sa Pantukan Davao de Oro.
Laraw sa maong lakang nga masubay ang mga quarantine area ug ang ipahigayon nga culling sa mga baboy nga posibleng maapektohan sa ASF.
Kahinumduman nga una ng nanawagan ang Davao de Oro Provincial Veterinarian’s Office (PVO) ngadto sa mga residente nga adunay mga binuhing baboy nga gilayon ipahibalo sa ilang buhatan sa higayon nga adunay makitang sintomas sa African Swine Fever (ASF) ang ilang mga baboy.
Una ng mipahigayon ug monitoring at surveillance operation ang Davao de Oro Provincial Veterinarian’s Office (PVO) sa Brgy. Kingking, Pantukan human ang ilang nadawat nga report kalabot sa kalit nga kamatayon sa mga baboy ug nasubay nga susama kining nagpositibo sa ASF subay sa gihimong pagtuon sa gikuhang sample niini.
Samtang gipasalig sa ahensiya sa Department of Agriculture (DA) 11 nga hatagan nila ug assistance ang mga apektadong hog raisers nga nawad-an ug panginabuhian.
Gawas sa nahisgutan nga dapit, una na sab nga naapektohan sa ASF ang lalawigan sa Davao Occidental ingon ang dakbayan sa Davao ug pipila ka mga lugar sa Davao del Norte.
