DAVAO CITY – Mismong ang probinsiya sa Davao de Oro ang nagkumpirma nga duruha sa tulo ka mga Covid-19 patients sa Davao Region nga infected sa B.1.1.7. variant sa Sars-CoV-2 ang naggikan sa ilang dapit.
Gikanayong ang 33 anyos nga lalaki ang nanimuyo sa Compostela ug 54 anyos nga babaye ang taga New Bataan.
Wala sumala pay kalabutan sa usag-usa ang mga nahisgutan ug gipailalom na kini karon sa hugtanon nga isolation human nga nagpositibo ang resulta sa ilang test.
Hinuon ang duruha sumala pa ka pasyente ang susama nga asymptomatic. Gibutyag sab sa Emergency Operations Command (EOC) for Covid-19 sa probinsiya, ang 54 nga babaye nga taga New Bataan ang naggegatibo matud pa sa iyang swab test.
Nagpabilin siya sa quarantine facility sulod sa 21 ka adlaw ayha kini nagpositibo sa Sars-CoV-2 sayon ning kasamtangan nga tuig.
Sa kasamtangan, mipailalom kini sa home quarantine apan gipahimangnoan kini sa DOH-Davao nga mobalik sa quarantine facility sa New Bataan diin nakumpirma nga infected kini sa bag-o nga strain.
Samtang ang 33 anyos nga lalaki nga taga Compostela ang anaa karon sa quarantine facility alang sa dugang 21 ka adlaw nga quarantine.
Ang nahisgutan nga pasyente ang pabilin nga positibo sa coronavirus human kini gipailalom sa swab test kaniadtong Pebrero 9,2021.
Sumala sa EOC ang duruha ka mga kaso ang walay travel history sa mga areas nga adunay bag-ong variant sa virus. Dili sba sumala pa mga returning overseas Filipinos ang mga nahisgutan.
Tungod niini, gimandoan ang mga residente sa Davao de Oro nga hugtanong ipatuman ang minimum health standards aron malikayan ang pagsaka sa kaso niini.
