DAVAO CITY – Gika alarma karon ang pagtaas sa kaso sa covid-19 nga nasinatian sa Davao de Oro sukad sa milabay nga adlaw.
Kahinumduman nga sugod kaniadtong June 3, 2021, nakatala og 381 nga bag-ong aktibo nga kaso ang tibook probinsya.
Tungod niini, anaa na sa 2,088 ang circumulative number of cases diin ang 1,640 na ang nakarekober sa maong sakit ug 67 ang gikataho nga nakabsan sa kinabuhi.
Subay sa executive order no.0023 series of 2021 nga pinirmahan ni Jayvee Tyron Uy nga kinahanglan nga limitahan ang mass gatherings.
Kanunayon usab ang pagtamod sa minimum health standards nga gipatuman aron ma pugngan ang pagkuyanap sa makamatay nga virus.
Laraw sab sa nahisgutan nga lakang nga mapugngan ang padayon nga pagsaka sa mga natakdan sa kagaw.
