DAVAO CITY – Nagbahad ang Davao City Transport and Traffic Management Office kon CTTMO nga wala gihapon matud pay lusot ang mga drayber nga maglaksi sa ilang mga tiket.
Gikanayon ni CTTMO head Dionisio Abude nga bisan pa man gision sa mga nahisgutan ang giisyung tiket, nakabutang sab sa ilang data system ang ilang mga nahimong kalapasan.
Magpabilin gihapon ang mga multa nga gipahamtang kanila sa nasa 400 ka mga enforcers sa buhatan.
Mahawa lang matud pa ang ilang mga pangalan kon magbayad ang mga violators sa ilang mga penalites.
Dugang pa, posibleng makuhaan sab og pribilehiyo ang mga magmalapasong drayber sama na lamang sa paghilakip sa High Priority Bus System, renewal sa ilang PUV ID, ug uban pa.
Tambag karon sa buhatan nga magbayad na lamang sanglit mapatungan kada adlaw ang multa nga dili dayon mabayaran.
Sa pikas bahin, namatikdan sab nga gunit gihapon sa mga hackers ang Facebook page sa CTTMO nga kasamtangang napost ang mga law-ay nga hulagyway ug video.
Busa gihukman nga i-take down na lamang ang maong page nga gihangyo karon ug nagpabilin pang giproseso.
Hinuon, ginagamit gihapon sa CTTMO ang ilang ubang platforms aron makaghatag og mga kasayuran sa katawhan.
via || Bombo LJF
