DAVAO CITY – Gipahimangnoan karon ni Atty. Marlisa Gallo, department head sa City Social Welfare and Development Office (CSWDO), ang mga Senior Citizens nga nag edad 60 anyos pataas nga siguroong makumpleto ang mga rekisitos aron masiguro nga maka-avail sa mga subsidiya nga alang sa mga senior.
Kahinumduman nga una nang gipahibalo sa buhatan nga kinahanglan nga ang mga senior citizen ang magpa-miyembro sa mga senior citizens organizations nga accredited sa Office of the Senior Citizen Affairs (OSCA) aron maka-avail sa tinuig nga cash grant.
Usa matud pa sa rekisitos alang sa mga kuwalipikadong katigulangan mao ang OSCA ID nga gihatagd sa lokal nga panggamhanan. Apan gipaklaro sa opisyal nga ang mga OSCA ID nga gikan sa gawas sa syudad ang dili dawaton ingon man ang People With Disability (PWD) ID.
Kahinumduman nga una nang gipalabang ug gi-aprubahan sa 19th City Council ang Ordinance No. 0954-22, Series of 2022, nga maghatag og yearly Financial Assistance sa mga qualified Senior Citizens sa syudad diin makadawat ang mga nahisgutan og P1,500 financial incentive matag tuig partikular na ang mga nag-edad og 65 anyos.
