DAVAO CITY – Naglaum karon ang lokal nga kagamhanan partikular na ang Covid-19 Task Force nga daghanan ang magpabakuna karong adlawa dungan sa ika-upat nga hugna sa Bayanihan Bakunahan: National Vaccination Day (NVD) nga molungtad sa Marso 12, 2022.
Tumong sa maong lakang nga dad-on ang vaccination drive ngadto sa katawhan ug sa kumunidad.
Sumala pa kang Dr. Janis Olavides, focal person, Covid-19 Vaccination Program sa Department of Health (DOH)-Davao, nga ang fourth Bayanihan Bakunahan mugamit ug “granular vaccination intervention” approach.
Una niini, gi-awhag sab sa opisyal ang mga health teams o mobile teams nga magpahigayon ug house-to-house vaccinations o sa mga barangay-based gymnasiums.
Gi-awhag sab niini nga makighiusa sa maong aktibidad ang mga Church groups, faith-based organizations, civic societies, universities, ug colleges. Prayoridad sumala pa karon sa National Vaccination Day kadtong mupailalom sa second ug missed doses, ingon man ang mga nahibilin s apriority group A2, ug booster dose administration sa health ug economic sector.
Hinuon abli sab karun ang bakunahan sa mga prioritize population group sa mga 12 anyos pataas ug pipila ka mga adult population kalakip na mga senior citizens.
