DAVAO CITY – Gipasigarbo sa Davao COVID-19 Task Force ang four percent positivity rate sa dakbayan sukad Nobyembre 8, 2021 kini human sa nagpadayon nga pag-ubos sa COVID-19 cases ug ang positibo nga pagdawat sa mga ginikanan sa nagpadayon nga pediatric vaccination rollout.
Sumala pa kang Davao COVID-19 Task Force Spokesperson Dr. Michelle Schlosser, nga ang low positivity rate sa nagpadayon nga vaccination rollout sa siyudad ang tungod sumala pa sa pagtamud sa Dabawenyos sa public minimum health standards (PMHS).
Gikanayon sab sa nahisgutan nga magpadayon sila sa pag-awhag sa mga wala pa nabakunahan nga pahimuslan ang kahigayonan kung buot niini nga magmalipayon ang holiday season.
Samtang salig ang city health official nga malinawon ang panghuna-huna sa mga dabawenyos sa higayon nga maangkon na ang target ng herd immunity.
Subli sab nga nagpasalamat ang opisyal sa mga ginikanan sa kabataan sa gihatag niini nga suporta sa pediatric vaccination rollout.
Kahinumduman nga ang mga operational pediatric vaccination sites nga abli sab alang sa mga walk-ins ang gilangkuban sa GMall Toril, Mabini Elementary School, Calinan Elementary School, Matina Aplaya Elementary School, ug F. Dizon Elementary School.
Tanan nga mga public ug private hospitals ang mo-cater usab ug pediatric vaccination apan kinahanglan una nga magpa-rehistro. Ang mga Pediatric vaccinees kinahanglan sa nga magdala sa ilang birth certificate o school ID isip pagpamatuod sa ilang edad ug Safe Davao QR.
Sa mga minor de edad nga adunay comorbidities, kinahanglan nga mo-presenta ug medical certificate. Ang mga ginikanan nga mokuyog sa ilang mga anak kinahanglan nga magdala ug valid ID.
