DAVAO CITY – Laraw nga imbestigahan sa Davao city Tourism Operations Office (CTOO) ang likod sa kontrobersya sa gikahinamang nga 3D Drone lightshow nga usa unta sa labing-dako nga atraksyon sa pagselebrar sa 86th Araw ng Davao.
Sumala ni Jennifer Romero, officer-in-charge sa maong buhatan, ilang sutahon ug istoryahan ang technical team aron pasabton sila kon unsa ba ang nahimong problema. Matud pa, ila gayud giplano kauban ang Execom ug ang mga organizers ang aktibidad kaniadtong Sabado sanglit dunay nahitabong technical problem nga ilaha pang ginasubay kon ngano gumikan labaw na kini sa ilang gihimo nga troubleshooting. Dugang pa ni Romero nga wala pa nila nahinabi ang Manic Nightnighs Production nga maoy organizer sa event kabahin sa kapakyasan.
Kahinumdumam kaniadtong Sabado, Marso 4, gidagsa sa mga Dabawenyo ang Coastal Road sa Bago Aplaya, aron masaksihan ang labing-unang Drone lighht show nga usa sa mga highlight sa Araw ng Dabaw Music and Arts Festival. Apan gumikan sa technical problems ug aberya sa Signal sa mga drones napostpone ang event ug gibalhin kini sa Marso 5, apan nakahukom na lamang ang organizer sa event nga kanselahon ang gipostpone nga 3D Drone lightshow.
