Gipaniguro sa buhatan sa City Government Of Davao, ang mga nahimong mulo sa mga Dabawenyo nga mahatagan og katubagan pinaagi sa mga appreciation platforms, sama sa Davao City Reports.
Sukad nga gi-launch kini niadtong tuig 2017, ang DCR nakasilbi na kini ngadto sa mga nagkadaiyang mga reklamo, problema, ug mga feedback, diin anaa na sa 5,372 na sab ang nadawat niini nga mga reports hangtod karung tuiga.
Ang DCR sab, maoy accessible kini pinaagi sa mga social media, susama sa Facebook, email, ug uban pa.
Lakip sab niini nga mamahimong makataho sa mga mulo ang mga dabawenyo pinaagi sa mga ginahatag nga hotline gikan sa DCR, diin gina-validate kini nila ayha nga ilaha kining ginahatagan og solusyon.
Lakip sab nga giklaro niini nga walay angay nga ikabalaka ang mga tawo nga buot musumbong sa ilahang buhatan, gumikan ipabilin niini ang ilahang identity nga nakatago aron nga luwas sa mga hulga.
Karong hinapos sa tuig, nakadawat og mga pagdayeg gikan sa mga dabawenyo ang DCR, gumikan matud pa sa pagka-epektibo niini aron nga maghatag og solusyon ngadto sa mga mulo sa katawhan.
Samtang, padayon sab kining nag-awhag ngadto sa mga concerned citizens, nga kung ugaling adunay mamatikdan nga mga kadudahang mga lihok o uban pang mga binuhatan nga iligal, kinahanglan nga i-report gilayon kini aron nga maaksyonan.
