DAVAO CITY – Giablihan sa Davao City LGU ang posibilidad nga mag-host sa ika-12 nga BIMP – Eaga Friendship Games karong tuiga.
Gikanayon ni Sports Development Division head Mikey Aportadera, nahisgutan kana atol sa pagbisita ni Philippine Sports Commission (PSC) Chairman Richard Bachmann sa UP Mindanao Sports Complex sa Mintal, ning dakbayan, niadtong milabayng bulan.
Dugang pa nga gisiguro sa nangulo sa PSC nga magamit ang maong pasilidad alang sa pagpahigayon og mga sporting events.
Ang pagsigiro sa maayong estado sa mga pasilidad sa pagaablihang sports complex ang gikonsiderang kritikal sanglit mao ang yawe sa paggunit sa hosting rights sa dakbayan sa maong sports event.
Apan pagpaklaro pa sa opisyal nga dili pa kini pinal og hisgutan pa kini sa PSC ug Mindanao Development Authority.
Ang BIMP – Eaga Friendship Games, pagasalmutan sa mga atleta gikan sa upat ka mga nasud nga Brunei, Indonesia, Malaysia, ug Pilipinas.
Ulahing nakasalmot ang Pilipinas sa maong padula kaniadtong 2018 nga gipahigayon sa Brunei.
Sa susamang tuig sab nahatag sa Pilipinas ang pag-host niini alang sa tuig 2020 apan nadilatar kini gumikan sa pandemya.
via || Bombo LJF
