Nakadawat ang Davao City Police Office og mga bag-ong disaster and emergency response vehicles, trucks, ug fiber boats nga gikan sa lokal nga panggamhanan sa Davao.
Atol sa pagblessing kagahapon sa buntag sa mga kagamitan atubangang sa City Hall, nadawat sa kapulisan ang lima ka mga Hino 6-Wheeler Troop Carieds, upat ka mga Isuzu 4×4 disaster vehicles ug upat ka Fiber-Reinforced Plastic Boats nga kini gamiton sa mga kapulisan alang sa panahon sa katalagman, kalamidad ug mga emerhensiya aron sa pagsiguro sa kaluwasan ug kaayuhan sa mga Dabawenyo.
Nasayran nga kini ang giponduhan sa Disaster Risk Reduction and Management Fund (LDRRMF) karong tuiga, nga nagrepresenta alang sa mahinungdanon nga pagpangandam sa disaster preparedness ug katakos alang sa emergency response.
Nagpasalamt usab ang kapulisan sa suporta nga gihatag sa Davao City LGU alang sa kaayuhan sa tanang katawhan.
Kini ang pagpakita sa kusog nga pagtinabangay sa kapulisan ug sa syudad alang sa susamang panglantaw aron nga mahimong luwas, ug lig-on ang syudad diin ang kaluwasan sa publiko ug kaandam sa kalamidad ang nag-unang gikinahanglan.
