-- ADVERTISEMENT --
DAVAO CITY – Mas gipakusgan pa sa Davao City Police Office (DCPO) ang mga programa nga gipatuman sa milabay nga tuig.
Sumala pa kang Police Senior Inspector (PSI) Maria Teresita Plaza Gaspan, tigpamaba sa DCPO nga himuon nila nga mas epektibo ang mga kalihukan sama sa Oplan Bulabog nga nagtumong sa pagsuta sa matag barangay sa dakbayan ug sa pag-ila sa tibuok nga pagkatawo sa mga residente nga anaa niini.
Pinaagi niini kalikayan nga mamahimong salag sa mga dautan nga mga tawo ang dakbayan.
Aktibo pa gihapon ang “Isumbong mo kay CD” hotline sa DCPO. Tumong niini nga ang mga dunay buot i-reklamo, mapadangat gihapon ngadto sa DCPO Director Police Senior Supt. Alexander Tagum aron nga mahatagan dayon kini ug aksyon.
