Nagpabilin ang Davao City isip usa sa mga nag-unang syudad sa nasud Pilipinas nga adunay kaabunda, hilabi na sa hisgutanang assets ug equity, kana subay sa gipagulang financial report 2023 sa Commission on Audit (COA) for Local Government Units.
Subay sa maong report, anaa sa ika-9 nga posisyon alang sa kinatibuk-ang nasud ang dakbayan sa Davao, diin mikabat sa ₱32.9 billion ang asset niini niadtong tuig 2023.
Kana maoy nagapamatuod nga aduna sumala pa kini pag-usbaw gikan sa ₱29.7 billion kaniadtong tuig 2022 ug ₱26.6 billion sab kaniadtong 2021.
Samtang ang net assets kon equity surge sab dinhi sa dakbayan, misaka sab gikan sa ₱21.2 billion niadtong tuig 2022 ug ₱17.7 billion sab niadtong 2021.
Usa matud pa sa hinungdan, kung nganong nakab-ot kini nga posisyon sa dakbayan, mao ang napabilin sab niining na mintina ang pagka-debt-free status sa lungsod, diin usa sumala pa ka pinakadako gayud nga kadaugan, labot sa financial stability ug ang abilidad nga pondohan ang mga large-scale projects nga dili mangutang.
Gipasalig sab sa Davao City Budget Office, nga ang City Government, nagapadayon nga nagahatag og prayoridad ngadto sa mga kritikal nga sektor, susama sa social welfare, healthcare, disaster risk reduction and mitigation, edukasyon ug agrikultura.
Tataw sumala pa nga ang maong mga inisyatiba, nagahatag og suporta ngadto sa mga programa nga direktang makabenipisyo ang mga Dabawenyo.
Padayon sab ang buhatan sa lokal nga panggamhanan sa Dabaw, sa pagmintina sa maong nakab-ot nga kadaungan, hilabi na pagpabilin niinig adunay dekalidad nga serbisyo labot sa natad sa medikal, ug ang pagpalambot sa kalidad sa kinabuhi ngadto sa matag lumulupyo dinhi sa dakbayan.
