DAVAO CITY – Nikamada og daghanang bulawang medalya ang ang mga atleta sa Davao City Durians human sa unang adlaw sa Davao Regional Athletic Association kon DAVRAA Meet 2023.
Sumala sa partial official results sa maong torneyo as of April 24, 5 pm, nakahakot ang Davao City og 19 ka gold medals, 2 silvers, and 7 bronze.
Samtang, nasa ikaduhang pwesto ang Panabo City Banana Magnates nga dunay tig-duha ka mga gold, silver and bronze medals.
Nasa ikatulong pwesto ang delegasyon sa Tagum City nga dunay 2 golds, 8 silver ug 6 bronze medals.
Sa pikas bahin, atol sa nahitabong opening ceremonies niadtong adlawng Dominggo, gidasig ni Davao del Norte Governor Edwin Jubahib ang tanang mga atleta nga pagakuptan ang mga kabilinhon sa sportsmanship, pagkapatas, ug pagrespetohay sa matag usa sa natad sa sports.
Sumala sab sa gobernador, ang maong panagtapok dili lamang usa ka kumpetisyon kon dili, usa kini ka oportunidad nga makamugna og panaghigalaay, pag-amuma sa maayong kabubut-on, ug magpakusog sa panaghiusa sa mga komunidad.
Nanghinaot sab ang gobernador nga makamugna kini og dagko ug kusgan nga pwersa nga musalmot alang sa Palarong Pambansa.
Nagpadayag sab kini og pagpasalamat sa mga tigdumala sa DAVRAA alang sa malapusong pagpanukad sa maong torneyo karong tuiga.
Mulungtad ang mga sporting events sa DAVRAA hangtud sa April 28 sa probinsya sa Davao del Norte.
via || Bombo LJF
