DAVAO CITY – Mukabat sa kapin-kulang Php 1 milyones pesos ang alokasyon sa lokal nga panggamhanan alang sa napakyas nga 3D Drone light show nga gikatakda untang ipasundayag sulod sa 15 minutos isip kabahin sa Araw ng Davao Music and Arts Street Festival nga ipahigayon unta kaniadtong Marso 4 sa Davao Coastal Road ning syudad.
Suma ni City Tourism operations office officer in Charge Jennifer Romero, nga gilauman sa syudad nga makab-ot niini ang iyang target tourist arrival karong bulana gumikan sa mga lain-laing aktibidades sa ika-86th Araw ng Davao.
Busa ang lokal nga panggamhan miggahin og kinatibuk-ang Php 2.5 milyon budget alang sa kalihokan, diin matud ni Romero, kapin-kulang 40 porsyento sa maong budget, gigahin alang sa Drone show.
Gikanayon sa opisyal nga kabahin ang drone show sa aktibidad nga gitawag nga Music and Arts Street Festival diin ang drone show ang mamahimo untang highlight sa event tungod labing-una kini nga masaksihan sa mga Dabawenyos. Apan kon kahinumduman, napakyas ang maong 3D Drone light show gumikan sa mga techical problems nga hatud sa hinay nga siganal sa GPS.
Sumala ni Romero nga ning kasamtangan nakig-koordinar na ang buhatan ngadto sa mga organizers kauban ang city legal office aron nga matubag ang nahitabong aberya sa hapsay nga pamaagi.
Gipasalig na lamang ni Romero ang katawhan nga ilang ginahimo ilang tanan aron masiguro nga dili na subli mahitabo ang insidente sa nahabilin nga mga kalikokan alang sa pagsaulog sa ika-86th Araw ng Dabaw.
