DAVAO CITY – I-uli sa lokal nga kagamhanan sa dakbayan sa dabaw ang mga wala magamit nga anti covid 19 vaccines gikan sa Department of Health (DOH) nga hapit na ma-expire.
Apan, wala mihatag ang Davao City Covid-19 Task Force ug insaktongg gidaghanon sa mga bakuna nga ipang-uli.
Gikanayon ni Covid-19 Task Force spokesperson Dr. Michelle Schlosser ang mga wala magamit nga bakuna nga gihatag sa DOH ngadto sa lokal nga kagamhanan ang ihatag o i-donate ngadto sa ubang kanasuran o kaga sa laing LGUs nga nagkinahanglan niini una hingpit ma-expire.
Gikatarungan ni Schlosser nga wala magamit ang nahisgutang mga bakuna gumikan sa ubos nga ihap sa mga nagpabakuna.
Gitin-aw usab ni Schlosser nga ang maong mga bakuna nga ipang-donate ang gipalit sa DOH national ug gihatag ngadto sa lokal nga kagamhanan.
Hinuon, kadaghanan sumala pa sa mga bakuna nga gipalit mismo gamit ang pundo sa lokal nga kagamhanan sa dakbayan sa Dabaw ang nagamit sa tukmang panahon.
Sa kasamtanga, mamahimong maka-avail ang mga dabawenyo sa primary ug booster dose sanglit nagbaton ang syudad ug dasghang supply sa mga bakuna din kadaghanan niini mao ang mga brands sa Pfizer-BioNTech, Sinovac-CoronaVac, ug Oxford/AstraZeneca.
