DAVAO CITY – Nag-awhag ang Davao City Health Office ngadto sa mga ginikanan nga ipa-deworm ang ilang mga anak.
Gikanayon ni CHO Nutrition Division Head Elizabeth Banzon nga libre kining makuha sa pinakaduol nga district health center ug mamahimo kining i-administer sa ilang mga barangay nutritionist.
Mamahimong ipapurga batok bitok ang ilang mga anak gikan usa ug tunga ka tuig hangtod dyise nuebe anyos, duha ka beses sa usa ka tuig.
Gawas sa pagpapurga, giawhag sab sa opisyal ang pagbaton og heathy hygiene sa mga batan-on pinaagi sa makanunayong paghugas og kamot human sa matag buluhaton o pagkaon.
Laraw karon sa CHO nga makap-deworm og kinyentos mil ka mga batan-on dinhi sa dakbayan karong bulana.
Gipahigayon sa DOH 11 ang National Deworming Month karong bulan sa Enero.
Gawas sa deworming, ilusad sab karong Marso ang Operation Timbang alang sa mga malnourished ug masakiton nga mga bata diin mang-apud apud ang buhatan ug libreng bitamina ug iron suppliments, ug ubang mga tambal aron mabatukan ang malnutrition.
via || Bombo LJF
