DAVAO CITY – Gitay-og og kusog nga linog ang Davao Region kagahapon, Setyembre 6. Unang nabati bandang 3:51 sa hapon ang magnitude 4.8 nga linog ang Davao City.
Miresulta usab kini sa pagkaguliyang sa mga trabahante ug mga estudyante kansa naglumba sa pagpanggawas sa ilang mga trabahuan ug classrooms.
Pipila ka mga estudyante sa usaka tuilunghaan sa Mintal ning syudad ang gitabang gumikan sa kalisang.
Nahugmak usab ang atop nga bahin sa usaka pinoy-anan sa Purok 10 Bgry Sirib, Calinan ning syudad. Sigon sa PHIVOLCS, nasinatian ang Intensity IV sa Santa Cruz, DAVAO DEL SUR; Davao City; Kidapawan, ug Magpet, COTABATO.
Intensity III – Bansalan, City of Digos, Magsaysay, and Matanao, DAVAO DEL SUR; Antipas, Arakan, Matalam, and President Roxas, COTABATO.
Intensity II – Hagonoy, Kiblawan, Malalag, Padada, and Sulop, DAVAO DEL SUR; Banisilan, Kabacan, Libungan, M’lang, and Makilala, COTABATO.
Intensity I – sa CAGAYAN DE ORO; Don Marcelino, Jose Abad Santos, Malita, Santa Maria, and Balut Island (Municipality of Sarangani), DAVAO OCCIDENTAL.
Una pa man niana, nasinatian bandang 3:02 sa hapon ang magnitude 4.0 nga linog sa Magpet, Cotabato. Sa maong linog, gikatala ang Intensity III – Davao City ug Intensity II – Santa Cruz, Davao del Sur.
Sigon sa report sa Office of the Civil Defense Davao Region, anaa sa 41 ka mga indibidwal ang gitabang diin sagad niini ang mga estudyante.
Samtang 13 ka mga panimalay ang gikatalang partially damaged.
Sa pagkakaron, padayon pa ang assessment sa awtoridad human ang pagtay-og.
