DAVAO CITY – Gihingusgan karon sa Davao City Covid-19 Task Force ang pag-awhag sa mga estudyante nga magpabakuna batok COVID 19.
Sumala sa tigpamama sa buhatan nga si Dr. Michelle Schlosser, nagbaton lamang ug 18% ang turn out sa mga bakunadong tumutuon alang sa 5 to 11 years old age group.
Mas baba kini kon itandi sa gilaumang 188,000 target population.
Nagpadayon gihapon ang kampanya sa ahensya alang sa pagpabakuna ug ang pagpaniid sa mga kumpirmadong mga positive cases sa maong virus sa mga tulunghaan sa dakbayan.
Mamahimo sab nga maghangyo alang sa vaccination rollout ang mga iskwelahan.
Dugang pa ni Schlosser ang panginahanglanon sa pag-conduct ug mga vaccination ug educational capaigns sa mga tulunghaan nga giuyunan sab sa Department of Education ug Commission on Higher Educaton.
Kahinumdumang nagpatawag ug dayalogo ang buhatan uban ang DepED ug CHED tungod sa natalang 18 ka mga kaso nga gituohang nahitabo tungod sa gipatumang faec-to-face classes sa mga tulunghaan.
via || Bombo LJ Florendo
