Suportado sa Sangguniang Panlungsod sa Davao ang resolusyon nga nag-awhag sa Philippine Institute of Volcanology and Seismology (PHIVOLCS) sa paghimo og komprehensibong pagtuon ug mapping sa Mt. Apo.
Ang resolusyon gikan sa Office of the Vice Governor ug Sangguniang Panlalawigan sa Amas, Kidapawan, ug gisuportahan sa Davao City Council tungod kay ang Mt. Apo direktang nakaapekto usab sa dakbayan sa Davao.
Sumala ni Councilor Alberto Ungab, Chairman sa Committee on Appointments and Government Reorganization, Disaster Risk Reduction and Management, importante ang detalyadong pagtuon sa bulkan aron mas mapalig-on ang flood response planning, disaster risk reduction, ug emergency response.
Girekomenda usab sa Konseho nga himuon ang usa ka inquiry sa gipahigayong mga pagtuon o planong buhaton sa mga ahensya sa gobyerno kabahin sa Mt. Apo.
Gani, giaprubahan dayon ang resolusyon ug gipasa sa Committee on Disaster Risk Reduction and Management.
