-- ADVERTISEMENT --
DAVAO CITY – Nangandam na karon ang dakbayan sa Davao sa ipahigayon nga 2nd Davao City-Wide Earthquake and Tsunami Drill sa nagsingabot nga bulan sa Hulyo ning tuig kasamtangan.
Una ng gibutyag sa City Disaster Risk Reduction and Management Council kun CDRRMO, nga dakong tabang ang maong lakang aron nga mas makapangandam ang dakbayan sa hiyan nga mo-igo ang susama nga kalamidad.
Ipahigayon sumala pa kini sa Hulyo 27 sa alas 9 sa buntag.
Una na sab nga gipahigayon sa dakbayan ang 1st Davao City-Wide Earthquake and Tsunami Drill pinasikad sa inisyatibo ni Davao City Mayor Sara Duterte-Carpio sa milabay nga bulan sa Hulyo 2017 diin daghanan sab ang mipartisipar sa maong aktibidad.
