DAVAO CITY – Gibutyag sa Davao City Agriculturist Office (CAgrO) nga hugot ang ilahang gihimong pagpangandam alang sa posibleng epekto sa El Niño sa 13 barangay ka mga agricultural districts sa Marilog ug Paquibato.
Subay sa taho, molungtad hangtud sa ulahing quarter karong tuiga hangtod na sa first quarter sa 2024 ang ting huwaw nga nga posibleng makaapekto sa supply sa food crops lakip na usab ang mga plant diseases.
Kung kahinomdoman, una nang gibutyag ni CAgrO Head Edgardo Haspe, nga gawas sa inventory ug assessment sa irrigation facilities, padayon gihapon nila gina-inspeksyon ang mga prone areas agricultural lands sa siyudad.
Ang Paquibato ug Marilog ning siyudad ang maoy adunay dako nga agricultural products sa rehiyon diin nanguna ang humay, mais ug nagkadaiyang gulay isip top major agricultural products.
