DAVAO CITY – Nagpahibalo ang City Disaster Risk Reduction and Management Office ngadto sa katawhan nga mangandam tungod sa mga gilaumang pagbaha sa dakbayan ilabi nang mulungtad ang panahon sa La Niña hangtud Pebrero sa musunod nga tuig, sigon sa La Niña Advisory No. 13 nga gipagawas sa PAGASA.
Gikanayon ni CDRRMO Chief Lyndon Ancajas, lauman gihapon ang mga musunod nga pagbaha sa mga flood prone areas sa dakbayan gumikan sa kusog nga bunok sa uwan.
Aktibo gihapon ang mga alert systems sa dakbayan aron maigmat ang katawhan sa pagpangandam sa mga katalagman.
Nagtagana ang buhatan ug mga signages sa mga bahaon ug landslide areas alang sa kasayuran sa katawhan panahon sa kalamidad.
Ginaawhag sab ang mga lumulupyo duol sa mga kasapaan nga sundon kanunay ang color-coding alert-level system, diin code-orange ang ipasaka alang sa pre-emptive evacuation samtang code-red sab alang sa forced evacuation.
Importante sab nga batunan ang pagkaalerto sa dakbayan pinaagi sa pakiglambigit sa emergency drills sa opisina, tulunghaan ug komunidad.
via || Bombo LJ Florendo
