DAVAO CITY – Gibarugan ni Madeline Apostol, usa sa mga opisyal sa DAR Provincial Office sa Mangkilam, Tagum City sa Davao del Norte nga wala irregularidad sa ilang pag-aproba sa pagpailalum sa Comprehensive Agrarian Reform Program (CARP) sa usa sa mga luna sa yuta sa Island Garden City of Samal.
Kini bisan pa kung nasuta nga mga empleyado sa kagamhanan ang kalakip sa mga natala isip benepesyaryo ug ang nanag-iya sa luna mao na hinoon ang nabahinan sa dili kayo produktibo nga luna sa yuta sa Samaka Village, Kaputian, Island Garden City of Samal.
Gibarugan ni Apostol nga legal ug nagsubay sila sa tukma nga mga sumbanan.
Gibatbat ni Madeline Apostol ang ilang gibasihan nga mga sumbanan sa pag-ila sa usa ka tawo isip benepesyaryo sa CARP.
Gidepensahan niya ang mga giila nga mga empleyado sa kagamhanan sa IGACOS nga nahilakip isip mga CARP beneficiaries.
