DAVAO CITY – Emosyonal ug nagpakilu-oy karon ang mga ginikanan sa duruha ka mga Cafgu nga susamang gibihag sa mga rebeldeng New People’s Army (NPA) nga unta buhi-an na ang mga nahisgutan.
Matud pa kang Clemencia Nokus ang inahan ni CAA Carl Mark Nokus, unta buhian na ang iyang anak sa hinanali nga panahon ilabi na nga wala kini nahimo nga salaud sa katilingban ug sa mga sibilyan.
Susama sab ang panawagan ni Rodolfo Doller Sr. ang amahan ni CAA Rodolfo Jr. nga unta i-release gilayon sa mga NPA ang iyang anak gumikan kay nagkasakit na matud pa ang usa ka miyembro sa ilang pamilya gumikan sa sige ug huna-huna sa kahimtang niini.
Kahinumduman nga susamang gibihag ang mga duruha ka mga Cafgu sa Davao Oriental o pipila ka adlaw human nga gibawi ni Pangulong Rodrigo Duterte ang Unilateral ceasefire.
