DAVAO CITY – Nakatala na ang Davao City Transportation and Traffic Management Office (CTTMO) ug 14,704 ka mga jaywalkers sukad Disyembre 2, 2016 hangtud Marso 3, 2017 ning kasamtangan nga tuig.
Matud pa kang CTTMO Anti-Jaywalking Unit member Donald R. Estoquia, sagad sa mga jaywalkers madakpan sa San Pedro Street atubangan sa San Pedro Cathedral, Unitop, Landbank ingon man sa usa ka unibersidad sa Bolton Street.
Plano sumala pa sa nihatan nga magpahimutang pa ug daghanang pedestrian lanes ug tun-an ang mga potensiyal nga areas diin ipahimutang ang pedestrian lanes.
Nakapahigayon na sab sumala pa sila ug repainting sa pedestrian lanes diin sagad daghanan ang madakpan. Nasayran nga ang anti-jaywalking unit sa CTTMO gilangkuban sa 19 ka mga personahe, nga nagmando sa 15 ka mga pedestrian lanes.
Gikanayon sab sa opisyal nga ang citation tickets sa mga penalties sa jaywalkers ang gikatakda nga ipagula sa bulan sa Abril.
