Nagtinabangay ang mga kabomberohan ug mga katawhan sa pagpalong sa kusog nga pagsilaob sa kalayo sa nahitabong sunog kagabii sa Poblacion, Maragusan, Davao De Oro.
Subay sa inisyal nga report sa LGU, nahitabo ang sunog sa Calamba building alas 6:25 kagabii atubangan sa Municipal Hall sa Maragusan.
Nasayran nga ang nasunog nga gambalay adunay mga establisemento nga gilangkuban sa convenience store, bakery, footwear, party shop, milk tea shop ug print hub.
Paspas usab nga misilaob ang kalayo gumikan gama sa light materials ang mga nasampit nga establisimento.
Subay sa inisyal nga impormasyon nga nahipos sa mga otoridad, nagsugo sumala pa ang sunog sa milktihan nga karon padayon pang ginaimbistigahan ilabi na ang hinungdan sa pag-ulbo sa kalayo.
Atol usab sa maong panghitabo nakasinati og power interruption sa maong lugar.
Sa pagkakaron padayon pa nga ginaimbistigahan ang nasampit nga panghitabo ilabi na ang hinungdan sa pag-ulbo sa kalayo ug ang kinatibuk-an nga kantidad sa danyos.
Subay sa gipagawas nga inisyal nga impormasyon sa LGU Maragusan walay natala nga kadaot sa kinabuhi atol sa pag-ulbo sa dakong sunog.
