Nadat-ugan ang usa ka sakyanan human nga naligid ang usa ka dakong bato gikan sa bukid ug mipadulong sa sakyanan ug sa usa ka balay sa Camp 7, Kennon Road, Baguio City pasado alas 1:15 sa karong hapon (Hulyo 19, 2025).
Hinuon atol sa maong panghitabo, walay naalaot nga kinabuhi.
Sa pagkakaron, nagpadayon pa gihapon ang clearing operation sa maong dalan.
Nakagawas na sa Philippine Area of Responsibility (PAR) ang bagyong si Crising kaganihang buntag, samtang misaka ang kusog niini ug naabot ang Severe Tropical Storm category.
Bisan pa nga gawas na sa teritoryo sa nasud ang bagyo, magpadayon gihapon ang kasinatiang kusog nga mga pag-ulan ug hangin sa Northern ug Extreme Northern Luzon tungod sa kalapad sa sirkulasyon sa bagyo.
Padayon usab nga makaapekto ang mga pag-ulan nga dala sa Southwest Monsoon o habagat sa dagkong bahin sa nasud. Ang bagyo, sa ulahing monitoring, nasiplatan ang 235 km sa kasagpan sa Itbayat, Batanes, gawas sa PAR.
Nagdala kini og hangin nga moabot sa 100 km/h duol sa sentro ug paghaguros nga moabot sa 125 km/h.
Nagalihok kini pa-kasadpan sa gikusgon nga 15 km/h.
Ilawom sa TCWS No. 2 karon ang mga lugar nga: Batanes, Kasadpang bahin sa Babuyan Islands, Ilocos Norte.
Ilawom sa TCWS No. 1 mao ang nahibiling bahin sa Ilocos Norte, Ilocos Sur, Amihanan nga bahin sa La Union, Abra, Apayao, Kalinga
ug ahibiling bahin sa Cagayan.
Sa karon gilauman nga magpadayon pa gihapon ang kusog nga pag-ulan karong adlawa hangtod ugma sa Apayao, Abra, Ilocos Norte, ug Ilocos Sur tungod sa epekto sa bagyong Crising.
Samtang ulan gihapon ang masinati-an sa Metro Manila ug ubang bahin sa luzon, Visayas og Mindanao tungod pakusgon gihapon niini ang hanging habagat.
