DAVAO CITY – Mukabat sa kinatibuk-ang, P8 bilyones ka peso ang naaprubahan alang sa 2018 annual budget.
Matud pa kang Davao City Council committee chair on finance Danilo Dayanghirang nga ang dakong kantidad sa maong pundo ang igahin sa social services sa siyudad diin kalakip niini ang Lingap para sa Mahirap project ingon man maintaining ug operating expenditures.
Gikatakda sab sumala pa hulipan ang tanan nga suga sa siyudad gikan sa sodium lights paingon sa LED aron nga ubos lamang ang mabayaran ug ingon man makadaginot usab ug kuryente.
Sa kasamtangan, wala pay pinal nga budget sa tinuig nga pagpatuman sa plano apan ilang gipasalig nga hatagan kini ug prayoridad sa igahin nga pundo sa 2018.
Gibutyag sab sa konsehal nga pipila sa mga proyekto nga ilang hatagan ug pagtagad karung tuiga mao ang maintenance sa Task Force Davao, Coastal Road project, nagkadaiyang Japan International Cooperation Agency projects, ug pagpalapad ngadto sa upat ka lanes sa mga kadalanan paingon sa second district, ug Calinan ingon man Toril areas.
Hinuon wala pay pinal nga kantidad sa pundo nga i-alokar sa nahisgutan nga proyekto apan sigurado sumala pa nga magahinan aron nga mapatuman.
