DAVAO CITY – Wala na gikatingala sa lokal nga kagamhanan ang subling pagsaka sa kaso sa covid 19 sa dakbayan sa dabaw niining bulan sa Mayo.
Sumala ni Dr Ashley Lopez, ang hepe sa City health office sa syudad, normal lamang kini isip resulta sa nagpadayong heightened surveillance sa covid 19 cases sa dakbayan pinaagi sa pagpatuman ug community swabbing.
Gikan sa 500 ka mga mopa-ilalom sa swab test matag adlaw karon motala na sumala pa ang CHO ug hangtud 1,500 ka mga tawo matag adlaw gikan sa nagkadaiyang mga swabbing area sa dakbayan.
Gikumpirma usab ni Lopez nga kadaghanan sa mga bag-ong kaso sa syudad mga local transmission ang hinungdan o wala silay natala nga mga pasyente nga naggikan sa laing mga lugar gawas sa dakbayan sa dabaw.
Dugang pa ni Lopez nga daghan sila ug nadawat nga mga reports labot sa mass gatherings sama sa kasaulugan sa fiesta, birthday ug uban pang mga panagtapok nga hugtanon lamang gihapong gidili karong panahon sa pandemic.
Sa nakalabay nga 2 ka semana ang CHO ang nakahimo sa pagtala ug 60 hangtud 70 ka mga covid cases matag adlaw
