DAVAO CITY – Subli na sab nga nalakip sa pili-an ang dakbayan sa Davao sa mga listahan isip usa sa mga recipients sa Presidential Award alang sa Child-Friendly Municipality/City sa 2016.
Gikatakda sumala pa nga mobisita ang National Award Committee alang sa schedule sa evaluation sa child-friendly policies sa siyudad karung Agosto 22 hangtud 25.
Tahasan sa lokal nga panggamhanan ang ilang focal persons aron magpahigayon ug evaluation ingon man tigom nga gikatakda sab karung Agosto 9.
Gimandoan na sab ni January Duterte nga nagsilbing Association of Barangay Captain (ABC) president ang tanan 182 ka mga barangau kapitan nga magpadala ug focal persons aron nga motambong sa siyudad karung bulana aron nga pangandaman ang evaluation.
Kahinumduman nga sayo sa bulan sa Hulyo, mihangyo ang Davao City Council for the Welfare of Children (CWC) ug tabang sa ABC aron subling maangkon sa dakbayan ang nahisgutan nga pasidungog.
Kahinumduman nga nahimong hall of famer ang Davao sa maong award human nga lima ka higayon kini nga naangkon sa siyudad kaniadtong tuig 1998, 1999, 2013, 2014, ug 2015.
