DAVAO CITY – Gi-angkon ni Davao City Mayor Inday Sara Duterte-Carpio nga nanginahanglan karon ang dakbayan ug dugang nga mga swabbers.
Tipik lamang kini human nga gibutyag sa Mayor nga nagkulang na karon ang ihap sa mga swabbers gumikan kay pipila niini ang mihawa sa ilang katungdanan.
Nagpadayon sumala pa karon ang gipahigayon nga pagpang-recruit nga gihimo karon sa Human Resources Management Office (HRMO) diin anaa sumala pa sa 30 ka mga swabbers ang gikinahanglan sa kasamtangan.
Gawas sa mga nahisgutan, nanginahanglan sab karon ang dakbayan ug dugang nga mga doktor gumikan kay nanginahanglan sumala pa ug doktor ang matag vaccination team.
Nangayo karon ug tabang ang dakbayan sa mga nahisgutan hangtud sa Disyembre 31 dungan sa saad nga bayaran ang mga nahisgutan sa ilang ihatag nga serbisyo sama sa testing, tracing, isolation, quarantining ug vaccination.
