DAVAO CITY – Giangkon karon sa lokal nga kagamhanan nga nakasinati ug kalisdanan ang mga contact tracers sa pagsubay sa mga nahimong close contact sa mga covid positive patients sa dakbayan sa dabaw.
Kini gumikan kay dili ma-contact ang mga cell number, gawas pa nga sayop usab ang gihatag nga address sa mga nahisgutan.
Samtang, sa karon naglihok na ang 77 ka mga contact tracers sa Barangay 76 A ning syudad ngadto sa mga nahimong close contact sa mga empleyado sa usaka call center sa dalang Ecoland ning syudad nga karon gipa-ilalo na usab sa lockdown.
Apan pipila pa lamang ka mga F2 ug F3 sa 46 ka mga trabahante ang na-contact trace gumikan kay dili na ma contact ang uban ug dili usab makita ang mga address niini.
Hinuon, gipasalig sa lokal nga kagamhanan nga makita ang mga nahisgutan aron mapugngan nga makatakod pa kini sa uban.
