DAVAO CITY – Nakadawat ug daghanang tawag ang dakbayan sa Davao aron nga subayon ang gipatuman nga seguridad atol sa unang semana sa deklarasyon sa Martial law sa Mindanao.
Una ng gibutyag ni Mayor Sara Duterte-Carpio nga adunay mga naka-schedule nga mga dagkong events sa siyudad ang nakansela tungod sa hisgutanang seguridad kini aron masiguro ang kaluwasan sa gatusan ka mga partisipante nga plano mobisita sa dakbayan.
Gikanayon sa opisyal nga naglaom karon ang lokal nga panggamhanan nga temporaryo lamang ang sitwasyon.
Gani mihimo na sab ug ug lakang ang tourism offices sa siyudad ug sa tibuok rehiyon aron maresolba ang mga naka-schedule nga mga aktibidad.
Una na sab nga gipasalig ni Assistant city administrator Tristan Dwight Domingo ngadto sa mga residente nga 100% business as usual ang sitwasyon sa dakbayan.
Hinuon gi-angkon sa nahisgutan nga nabati gayud ang epekto sa martial law kung hisgutan ang turismo ug investment efforts.
