DAVAO CITY – Bisan nga apektado sab karon ang dakbayan sa Davao tungod sa pagkuyanap sa Covid-19, motabang pa gihapon ang siyudad sa mga area nga apektado sa Bagyong Ambo.
Una ng napalabang sa City Council ang ordinansa nga nagtugot kang Davao City Mayor Sara Duterte-Carpio nga gamiton ang portion sa City Disaster Risk Reduction and Management (CDRRM) fund alang sa mga lugar nga nabiktima sa bagyo sa area sa Northern ug Eastern Samar nga mobalor ug P700,000.
Gikanayong ang matag locality nga gilangkuban sa probinsiya sa Northern Samar ug munisipalidad sa Arteche, Maslog, Dolores, Oras, Jipadpad, ug San Policarpo, nga susamang nahimutang sa Eastern Samar ang makadawat ug tig-P100,000.
Gikanayon sab ni Konsehal Danilo Dayanghirang nga luyo sumala pa sa nasinatian nga krisis tungod Covid-19 aduna pa gihapoy katakos ang siyudad nga makaalokar ug financial assistance sa mga dapit nga grabeng naapektohan sa kalamidad.
