DAVAO CITY – Gipaspasan karon sa lokal nga kagamhanan ang pagbakuna aron hingpit nga maangkon ang Herd immunity sa bulan sa Nobyembre o sa mas sayo pa niining tuiga.
Sumala ni mayor Inday sara, aron makab-ot ang maong katuyuan target nila nga makabakuna ug dul-an 19 mil ka mga tawo sa matag adlaw.
Apan, makab-ot lamang sumala pa ang maong ihap sa higayon nga mahimong stable ang supply sa bakuna sa syudad, diin gilauman nga ma-deliver ang dugang pang mga bakuna sa ika-tulo nga quarter karong tuiga.
Tungod niini, gipaningkamutan sa syudad nga makapatukod ug dgang vaccination sites aron maatiman ang mas daghanang mga magpabakuna.
Sa kasamtangan ang syudad adunay 19 ka mga vaccinations sites nga gilangkuban sa SM Lanang Premier, SM City Davao, A. Mabini Elementary School, Malagos Elementary School, Crossing Bayabas National High School, Calinan Central Elementary School, Matina Aplaya Elementary School, Kor-Phil Vocational Training Center in Bunawan, Magallanes Elementary School, Mintal Central Elementary School, Buhangin Central Elementary School, Davao City National High School, Davao Medical School Foundation Hospital, Brokenshire Hospital, Gig Oca Seamen’s Hospital, Southern Philippines Medical Center (SPMC), Davao Doctors Hospital, San Pedro Hospital, ug Metro Davao Medical and Research Center.
