DAVAO CITY – Pahugtan pa karon sa lokal nga kagamhanan ang mga lakang aron lamang mapugngan ang padayon nga pagsaka sa Covid-19 sa dakbayan.
Tipik lamang kini human nga una ng gibutyag ni Health Undersecretary Maria Rosario Vergeire nga kalakip karon ang dakbayan sa Davao sa 37 ka mga areas sa nasud nga gipailalom karon sa alert level 4, diin nagpasabot kini sa risk classification gikan sa moderate ngadto sa Critical ang bed utilization rate alang sa Covid-19 patient nga anaa sa kapin 70 percent.
Aron nga masolusyonan ang pagsala sa case data of Covid-19 ug high hospital utilization rates, girekomenda karon sa Department of Health (DOH) ang granular lockdowns; active case finding sa areas nga adunay local Delta variant cases kini pinaagi sa paggamit ug rapid antigen test; pagdugang ug increase hospital beds especially ICU beds sa Levels 2 ngadto 3 hospitals; siguruhon nga bastante ang oxygen alang sa severe ug critical nga mga pasyente; ug angayan nga solusyonan ang healthcare capacity issues dili lamang sa Local Government Unit (LGU) level kung dili lakip na sa regional ug national level.
Sa pikas nga bahin, subli nga gibutyag ni Dr. Michelle Schlosser, spokesperson ng Davao City Covid-19 Task Force, nga ipabilin pa gihapon nag siyudad sa General Community Quarantine (GCQ) with heightened restrictions status ug kung adunay kabag-ohan, ipahibalo gilayon kini sa publiko.
Kahinumduman nga anaa na sa unom ka mga kaso sa Delta variant ang natala karon sa Davao region.
