DAVAO CITY – Dili pa gihapon luwas ang Davao region sa African Swine Fever (ASF) human nga kumpirmadong namatay ang duruha ka baboy sa barangay sa Bansalan, Davao del Sur sa nahisgutan nga disease tulo ka semana na ang milabay.
Sumala pa kang Department of Agriculture (DA)-Davao Regional Director Ricardo Oñate, nagpadayon karon ang ilang gipahigayon nga tracing kung paunsa naangkon sa nahisgutan nga mga baboy ang maong disease.
Apan base sumala pa sa ilang inisyal nga pagpanubay, ang maong mga baboy ang gikan sa Davao Occidental, nga maoy ground zero sa ASF outbreak sa rehiyon.
Gitataw sab sa DA official nga anaa sa kinatibuk-ang 17 ka mga baboy kalakip na ang duruha ka mga namatay ang gipailalom sa depopulation aron makontrola ang pagkatag sa virus nga wala pa gihapoy bakuna o tambal niini.
Nagpahigayon na sab sila karon ug monitoring kalabot sa lain pa nga insidente sa pagkamatay sa baboy sa Sta. Cruz, Davao del Sur diin sa kasamtangan napadala na sa ahensiya ang sample aron nga masubay kung ang uban nga baboy namatay ba sa virus.
Samtang dinhi sa dakbayan sa Davao, wala pay gika-report nga bag-ong baboy nga namatay nga adunay kalabotan sa ASF sukad ang ulahing insidente niini kaniadtong bulan sa Pebrero. Gikanayong ang bag-ong insidente kalabot sa pagkamatay sa mga baboy sa Barangay Inayangan, Calinan District, ang susama sumala pa nga negatibo sa ASF.
