DAVAO CITY – Gikatakdang managtagbo karong adlaw nga miyerkules ang Task Force on Emerging Infectious Disease sa lokal nga kagamhanan aron hisgutan ang himuon nga pagpangandam sa syudad sa posibling pagsulod sa monkey pox sa dakbayan sa Dabaw.
Gikanayon ni Atty. Francis Mark Layog, city administrator sa dakbayan sa Dabaw, nga una nang nagtagbo niadtong milabay nga semana ang mga naglangkob sa TF ug ang uban pang mga hingtungdang ahensiya sa syudad partikular na ang City Health Office.
Dugang pa ni Atty. Layog nga nag andam na usab ang lokal nga kagamhanan og bulag nga isolation area ingkaso makatala ang syudad og mga kaso sa monkey pox.
Hinuon gipasalig sa city administrator nga andam kanunay ang syudad ug dugay na nga nangandam ang syudad batok sa unsa mang matang sa sakit human mikaylap ang COVID 19 sa nasud.
Via || ANGIE CHAGAS
