DAVAO CITY – Nabutang na matud pa karon ang dakbayan sa Davao sa ‘high-risk’ status kini tungod sa “high” two-week growth rate (2WGR) ug “medium” Average Daily Attack Rate (ADAR) pinasikad sa Covid-19 Task Force report.
Misaka sab sumala pa karon ang positivity rate sa siyudad ngadto sa 23.6 percent nga mas taas sa 5 percent acceptable positivity rate.
Kung itandi sumala pa sa milabay nga mga semana nga walay natalang mga barangay nga anaa sa critical risk, anaa karon sa 18 ka mga barangay ang gipailalom karon sa maong kategorya.
Anaa sa siyam ang sa high-risk barangays; 20 high-risk barangays nga duol sa critical risk barangays; ug 33 moderate risk barangays.
Gumikan kay nasinatian na karun sa dakbayan ang ika-upat nga surge sa covid-19, gi-awhag ni Davao City Mayor Inday Sara Duterte Carpio ang katawhan nga pahimuslan ang pagpabakuna ug mag-doble amping ilabi na nga nagpabilin pa gihapon ang bahad sa pandemiya.
