DAVAO CITY – Gipaspasan na karon sa Davao City Covid-19 Task Force ang pag-alokar ug daghanan pa ug mga anti-Covid vaccines nga sagad pili-on sa mga Dabawenyos aron nga mapangandaman pa ang hugtanon nga rollout sa booster shots sa siyudad.
Sumala pa kang Davao City Covid-19 Task Force Spokesperson Dr. Michelle Schlosser nga ubos lamang karon ang turnout sa booster dose tungod sa preference sa heterologous booster kaysa sa homologous booster vaccination.
Kahinumduman nga ang heterologous booster vaccination mao ang mixed dose sa anti-Covid-19 vaccine nga dili susama sa first ug second dose, samtang ang homologous booster vaccination ang susama nga brand sa vaccines nga gi-administer sa first ug second doses.
Apan gikanayon ni Schlosser nga sa kasamtangan mayorya sa mga booster shots ang gilangkuban sa Sinovac ug AstraZeneca sanglit kini nga mga vaccine brands ang una ng gibakuna sa daghanang dabawenyo sukad first ug second doses.
Gipasabot ni Schlosser nga mahinungdanon ang booster dose ilabi na karon nga adunay surge sa coronavirus cases ug dali nga matambalan ang Omicron variant.
Gipahimangnoan sab niini ang publiko nga padayon lamang sa pagtamud sa minimum public health protocols kini human mamatikdan nga adunay pagsaka na sab sa kaso pagsulod sa tuig 2022.
