DAVAO CITY – Gikanayon ni Davao City Mayor Inday Sara Duterte-Carpio nga nangandam sab karon ang dakbayan sa pilot face-to-face classes sa mga pampublikong tulonghaan bisan tuod nga nauna ng gibutyag sa Department of Education (DepEd)-11 nga wala nahilakip sa listahan ang dakbayan sa Davao sa Davao region.
Una niini, nakiglambigit sumala pa ang ahensiya ngadto sa iyang buhatan kalabot sa pilot face-to-face classes sa pampublikong tulonghaan ug gipasumite ang siyudad ug listahan sa mga public schools nga posibleng makapahigayon sa face-to-face classes.
Atol sa gipahigayon nga panagtigum talo sa Covid-19 TF meeting, nasabutan nga gikan sa 182 ka mga barangay subayon kini base sa risk assessment ug ang ulahing tulo ka mga barangay ang pili-on alang sa pilot face to face.
Gumikan kay dili tanan nga mga tulonghaan ang tugtan, ang inisyal nga gisumite nila ang gilangkuban sa usa ka tulonghaan matag barangay ang tugtan sa face-to-face classes.
Dili pa sab karon mabutyag ni Mayor Sara kung adunay mga kolehiyo ug unibersidad sa dakbayan sa Davao ang nangandam na sab sa face-to-face classes.
