DAVAO CITY – Gikanayon ni Dr. Michelle Schlosser, Davao City Covid-19 Task Force spokesperson nga sa milabay nga tulo ka adlaw sukad Mayo 8 hangtud Mayo 10 walay natala nga ang dakbayan nga kaso sa Covid-19 apan kagahapong adlawa adunay usa nga natakdan sa kagaw ug migawas sumala pa kini kaniadtong Mayo 9 arun nga moboto.
Apan karun pa lang nangandam na ang dakbayan sa Davao alang sa posibleng pagsaka sa mga matakdan ilalom sa incubation period nga duruha ka semana.
Na-detect sumala pa kini human nga mipailalom sa swab ang pasyente ug adunay namatikdan nga mga sintomas gikan kaniya.
Gikanayong ang single Covid-19 infection mamahimo sumala pa nga hinungdan sa pagtapok-tapok sa mga tawo atol sa eleksiyon nga giilang “super-spreader event.”
Subli nga nagpahimangno ang opisyal sa mga residente nga magpabilin nga magbinantayon ug ikonsidera ang health precautions ilabi na karon ang ubos ang mga nagpa-booster shots dinhi sa siyudad.
Kahinumduman nga sa gipagulang risk assessment map kalabot sa impact sa Covid-19 nga gi-isyu kaniadtong Mayo 7, gikanayong tanan nga mga 182 barangay ang ilalom sa minimal risk, nga mao ang lowest risk classification.
Sa milabay nga semana, ang Barangay Maa ang gipailalom sa moderate risk area samtang ang A. Angliongto Sr., Talomo Proper, ug Tibungco ang anaa sa low-risk barangays.
Samtang padayon sumala pa karun nga gipatuman sa mga deputized officers ug sa Davao City Police Office ang face mask ordinance sa dakbayan.
Kahinumduman nga ang masikop nga mga indibidwal nga dili magsuot ug facemask ang makabayad ug PHP500 sa first offense; PHP2,000 sa second offense; ug PHP5,000 ug usa ka bulan nga pagkabilanggo alang sa third offense.
Ang mga mapakyas sa pagbayad sa multa sulod sa tulo ngadto na lima ka adlaw human ang pag-isyu sa citation tickets mamahimong mapasakahan ug kaso sa korte.
Una na sab nga gibutyag sa otoridad nga gi-proseso na nila ang iduso nga kaso batok sa 2,000 ka mga indibidwal nga wala gihatagan ug pagtagad ang ilang citation tickets tungod sa paglapas sa face mask ordinance.
