Daghanang mga biyahe ang naapektuhan sa Heathrow Airport sa London human sa dakong sunog nga nahitabo sa substation. Sumala ni London Fire Brigade Deputy Commissioner Jonathan Smith, nasunog ang usa ka transformer nga naglangkob og 25,000 ka litro sa cooling oil.
Tungod niini, nawagtangan og suplay sa kuryente ang upat ka mga terminal sa maong tugpahanan. Na-divert usab ang pipila ka mga byahe sa Manchester Airport sa United Kingdom, diin kapin sa 120 ka mga flights ang balhin sa alternatibong airport. Dugang pa, kapin sa 5,000 ka mga panimalay nga nahimutang duol sa giisip nga dakong tugpahanan ang nawagtangan usab og suplay sa kuryente tungod sa maong sunog.
Sa pagkakaron, ginasusi na sa mga awtoridad ang hinungdan sa sunog ug wala niini gipadaplin ang posibilidad nga adunay kalambigitan kini sa terorismo. Ang Heathrow Airport mao ang ika-upat nga labing-busy nga tugpanahan sa tibuok kalibutan ug kini ang labing dako usab sa London.
