DAVAO CITY – Gikumpirma sa Department of Health-Davao (DOH-Davao) nga daghanan sumala pang mga nurses sa Davao region ang natakdan ug covid-19.
Gikanayon sa ahensiya nga sa mga medical profession, ang nurses ang adunay taas nga ihap sa active cases nga anaa na karon sa 942 gisundan sa physicians nga adunay 362 ka mga kaso ug duruha ang namatay; nurse attendants adunay 276 cases; medical technologists anaa sa 185; samtang sa uban nga mga healthcare workers anaa sa 352 ug tulo ang natalang namatay.
Sa mga non-medical workers ang mga staff (healthcare workers) anaa sa 667 ug pito ang natalang namatay samtang sa non-HWC/frontliners anaa sa 1,073 ang kaso ug upat ang namatay.
Anaa na matud pa sa 3,876 healthcare workers ang apektado sa Covid-19 sukad nga nagsugod ang pandemiya diin sa nahisgutan nga ihap 482 ang na-admit samtang 3,375 ang nakarekober.
Anaa sab sa 19 ang namatay sa mga nahisgutan.
