(Photo Courtesy: LGU Davao Oriental)
DAVAO CITY – Gikumpirma ni Davao Oriental Governor Nelson Dayanghirang nga mas daghanan na nga mga rebelde nga mibalik sa sabakan sa kagamhanan karon nga gipangunahan na sa kagamhanang provincial ang kampanya batok ngadto sa mga rebeldeng grupo.
Ang kasundalohan nahimo na lamang nga back-up sa kagamhanang lokal, sukwahi sa nanglabay nga mga panahon nga ang lokal nga kagamhanan ang nahimong back-up sa kasundalohan.
Ang sangka karon dili na pinaagi sa mga bala ug armas kundili pinaagi na sa proyekto sa kalambo-an. Kini nga mga proyekto ug mga programa gipatuman sa lalawigan sa Davao Oriental.
Gitataw ni Governor Nelson Dayanghiran nga makita gayud nila nga haum ang deklarasyon ni Pangulong Rodrigo Duterte isip mga teorista.
Kini pinaagi sa pagpangilkil sa mga negosyante ug pagpanghasi sa katawhan, ug pagpangsunog sa mga pamatigayon sa mga magmagahi.
Sumala pa kang Gov. Nelson Dayanghirang pag-ilog gayud sa kagamhanan ang tumong sa mga NPA sa nasud.
