DAVAO CITY – Laoman sumala pa nga daghanang mga bata ang malipay dungan sa gikatakdang pag-abli sa Pasko Fiesta 2019 sa Nobyembre 22 sa City Hall grounds.
Kahinumduman nga anaa na sa pinal ang pagpangandam sa Pasko Fiesta nga gigahinan ug pondo nga P22 million.
Una ng gibutyag ni Gene Rose Tecson, head sa City Tourism Operation Office (CTOO) nga buot sa lokal nga panggamhanan nga malipay ang mga kabataan sa siyudad karong kapaskohan hinungdan nga “Santa’s Toy Factory” ang tema karong tuiga.
Kahinumduman nga pipila s amga aktibidad nga kabahin sa Pasko Fiesta ang gilangkuban sa Pasko Fiesta Carnival sa Rizal Park, meet and greet Mr. Santa and Mrs. Claus sa Magsaysay Park, People’s Park, ug Osmeña Park, Pahalipay ni Santa, nightly 3D Wall Mapping Show nga magsugod sa Nobyembre 22, Pasko Fiesta Salu-Salo sa Sta. Ana Wharf, Pasko Daba-Daba, Sayaw sa Pasko Fiesta Dance competition, Hulagway Sa Pasko Fiesta 2019 Pasko Photo Exhibit, Lamdag Parada, Pasko Kumbira sa City Hall, ug Koro sa Pasko sa Disyembre 5 sa Cap Auditorium.
Samtang nanawagan sab ni Major Joseph Violan, commander sa San Pedro PNP ngadto sa publiko nga sama sa naandan, gidili pa gihapon ang pagdala ug mga back pack ingon man pagsuot ug jacket sa higayon nga mosulod sa mga area diin ipahigayon ang mga aktibidad nga adunay kalabutan sa pasko fiesta.
Hugtanon sab nila nga ipatuman ang seguridad sa lugar.
