DAVAO CITY – Mitamod ang Police Regional Office (PRO) 11 sa ginapatuman nga internal cleansing operations hinongdan nga gipailalum sa Random Drug test ang 12 ka mga personahe aron sa pagseguro nga wala kini mahilambigit sa illegal nga druga.
Tanan nga mga personahe sa kapolisan sa rehiyon gipahimangno-an sa mga sumbanan ug giya sa organisasyon kalabot niini.
Hugtanon nga gipatuman sa PRO-11 ang mandato nga wala’y pagpihig.
Nasayran nga sa drug-related admin cases gikan sa Hulyo 1, 2016 hangtud April 25, 2018 sa mga drug- related cases, unse ka mga kaso ang nasulbad ug napatuman.
Unom ang mga na- dismiss gikan sa serbesyo, usa ang na-demote, unse ang gipasaylo.
Ang paningkamot sa PRO 11 kalabot sa Internal Cleansing sa PNP atol sa kadumalahan ni Police Chief Supt. Manuel Gaerlan pinasikad sa mandato ug sa mga sumbanan ug giya sa PNP organization.
Sa Admin Cases gikan Enero hangtud Mayo 2018 pito ang na-dismiss, usa ang demote, napulo ang suspende, tulo ang na-reprimand, 41 ang napasaylo.
Samtang sa mga Admin Cases nga nasulbad o kaha nahukman sa tuig 2017 napulo ang nadismiss gikan sa serbesyo,
21 ang na-demote, 112 ang na-suspende, 14 ang na repremand, usa ang restricted, 115 ang napasaylo.
